کرونا وائرس اور امریکہ کی اقلیتیں

کرونا وائرس اور امریکہ کی اقلیتیں  

امریکہ میں سیاہ فاموں کا تناسب  14 سے 15 فیصد ہے لیکن کرونا وائرس  سے موت کے گھاٹ اترنے والے 40 فیصد لوگ افریقی نژاد اور ہسپانوی ہیں۔ چند علاقوں کے اعدادوشمار:

نیواولینز، لوزیانہNew Oreaans, LA

سیاہ فام آبادی: 32 فیصد

کرونا سے مرنے والے سیاہ فام: 70 فیصد

ملواکی، وسکونسن Milwaukee, WI

سیاہ فام آبادی: 26 فیصد

کرونا سے مرنے والے سیاہ فام: 73 فیصد

شکاگو

سیاہ فام آبادی: 32 فیصد

کرونا سے مرنے والے سیاہ فام: 67 فیصد

مشیگن Michigan

سیاہ فام آبادی: 14 فیصد

کرونا سے مرنے والے سیاہ فام: 41 فیصد

اسوقت امریکہ کے سرجن جنرل صاحب  کی ایک گفتگوپیش خدمت ہے جو اسکی وجہ بیان فرمارہے ہیں۔ صدر ٹرمپ کی موجودگی میں سرجن صاحب نے کہا کہ  30 فیصد سیاہ فام ایسے گھروں میں رہتے ہیں جہاں Running Waterنہیں۔ خود ہی سماعت فرمائیے

امریکہ کے متمول سفید فام مضافات  میں مقیم دیسیوں' اور سیاہ فاموں کو حقارت سے 'کلے' کہنے والوں کواندازہ ہی نہیں کہ   ڈاون ٹاون کی عالیشان اور بلند بالا عمارتوں کے زیر سایہ  بوسیدہ موبل ہومزمیں رہنے والے کس حال میں ہیں۔

سیاہ فاموں کو جرائم پیشہ، کاہل اور مفت خورا جیسے القاب سے نوزنے والے  یہ بھول جاتے ہیں کہ اگر 'کلے' یکساں حقوق کی تحریک چلاکر  1965 میں امیگریشن ایکٹ سے National Origin Quotaختم نہ کرواتے تو لوگ بھی آج  میکسیکو کی سرحد پر قائم حراستی مرکز میں ICEکی میزبانی کا لطف اٹارہے ہوتے۔ کس قدر جلد بدل جاتے ہیں انساں جاناں